Skjørt og bluse til Siren

Dette settet vart sydd til første skuledag etter sommarferien, men ting tar tid så eg har ikkje fått lagt det ut før no! Både skjørtet og blusen har utgangspunkt i eit mønster frå boka "Making childrens clothes", men med diverse endringar. Eg hadde lyst at skjørtet skulle vere litt "fyldig" så eg laga eit underskjørt med rynkekant nede . Blusen var veldig vid i fasongen, så for å få litt meir passande form sette eg inn knyteband i sidene. Skjørtet er sydd i babycord, og blusen er sydd i bomull og kanta med satengkantbånd. I ryggen på blusen er det trykk-knappar.